Deportes

Ademais, as rapazas da categoría feminina conseguiron fixerse co terceiro posto da competición galega

O Club Brigantium de Arteixo, disputou o sábado 4 de maio en Ourense os playoff de hóckey liña das ligas autonómicas das categorías de Benxamín e Feminino.

Na categoría Feminina, os resultados para o club foron os seguintes: nas Semifinais as mozas perderon por 5-1 contra as luguesas de Lostregos. Posteriormente enfrontáronse polo terceiro e cuarto posto contra as Ourensás de Morcegos. Con vitoria para as de Arteixo por un axustado 4-5.

Doutra banda, na categoría Benxamín, gañaron en semifinais con contundencia a Meigas de Lugo por un 10-2. Na final os de Brigantium Arteixo sufriron pero terminaron levándose a vitoria por 5-2 contra Galicia Roller de Coruña.

Deste xeito, a pasada fin de semana os Alevíns do club facíanse co título Autonómico e esta fin de semana son os Benxamines os que se levaron a copa para Arteixo.