Sociedade

A Capela de San Roque acollerá a presentación de 'Os Cómaros da Vida', coa participación de destacados convidados.

A Capela de San Roque, en Sada, acollerá este venres, 22 de novembro, ás 20:00 horas, a presentación do libro 'Os Cómaros da Vida. Diarios 2020-2022', da autoría de Xosé Antonio Andrade. O evento está organizado pola Asociación Cultural Irmáns Suárez Picallo, coa colaboración do Concello de Sada.

No acto, ademais do autor, participarán Miguel Anxo Fernán Vello, editor da obra, José Manuel Roca e Mercedes Leobalde. A entrada será libre ata completar o aforo.

Esta cita literaria promete ser unha oportunidade para coñecer de primeira man os diarios dun autor comprometido coa literatura e a reflexión persoal.