O alcalde de Oleiros recibe a un grupo de estudantes do liceo francés La Salle de Annecy
Un grupo de 30 alumnos e alumnas do liceo College La Salle de Annecy (Francia) atópanse estes días visitando Galicia da man dun grupo de estudantes do IES María Casares de Santa Cruz .
Hoxe acudiron á Casa Charry para visitar ao alcalde de Oleiros, Ángel García Seoane, quen lles falou do concello como un lugar distinto e singular, destacando datos como o pracer de vivir na natureza, o esforzo que realizou a cidadanía por ter tantos parques, unha costa libre, o gran número de preciosos edificios recuperados, as casas para festas e en xeral o interesante que é o municipio para vivir e gozar.
A visita rematou diante da Casa Consistorial onde o alcalde, acompañado polos concelleiros María José Santos e Ramón Maceira, agasallou ao liceo francés cun conxunto de publicacións municipais onde se detalla a historia do municipio, o patrimonio público arquitectónico e cultural así como os numerosos espazos verdes dos que poden gozar durante a súa visita a Oleiros.