Norte Cinema Diverso abre a chamada para curtas LGTBIQ+ rodadas en galego
Norte Cinema Diverso pon en marcha a súa cuarta edición coa apertura do prazo para presentar curtametraxes LGTBIQ+ rodadas en galego. As persoas creadoras poderán enviar as súas obras desde este 20 de xuño ata o 10 de setembro.
O certame, organizado pola asociación Palestra, a cinemateca Pedro Zerolo e o Concello da Coruña, coa colaboración da Universidade da Coruña e a Academia Galega do Audiovisual, celebrarase este ano os días 25, 26 e 27 de novembro no Teatro Colón.
As curtametraxes que opten á sección deberán estar realizadas en galego e ter unha duración máxima de 30 minutos. As propostas poden enviarse ao correo pantallancd@gmail.com.
A mellor obra recibirá o Premio Trini Falcés, un galardón que leva o nome dunha muller coruñesa pioneira do activismo trans en España. Nas anteriores edicións foron recoñecidas 'Una dedicatoria a lo bestia', de Nucbeade; a portuguesa 'Um caroço de Abacate', de Ary Zara; e 'Transición', do director David Velduque.