Mellorarase a seguridade peonil na Praza da Cormelana na Coruña coa substitución das tarimas de madeira
O Concello da Coruña iniciará nas próximas semanas unha actuación na praza da Cormelana para mellorar a seguridade peonil. A intervención consistirá na substitución das actuais tarimas de madeira por lousas de pedra, co obxectivo de evitar os deslizamentos en días de choiva e garantir unha maior durabilidade e conservación.
Esta medida xa foi aplicada con éxito na praza da Fonte de Santa Catalina, onde se retiraron os listóns de madeira para instalar pezas de granito, unha solución que mellorou notablemente a seguridade dos transeúntes.
A intervención na praza da Cormelana incluirase na comisión PEPRI e contará coa colaboración do persoal da hostalaría local. O Concello comprométese a coordinar o calendario de traballos para minimizar o impacto nas terrazas da zona, que contan con permisos para operar ao aire libre