MEGA anuncia un outono-inverno cheo de actividades coa cata de cervexas ancestrais e o concerto de Jorge Pardo
MEGA, o Museo de Estrella Galicia, programará unha cata de cervexas ancestrais, sesións Beercraft con Naparbier e Pink Boots, visitas guiadas tradicionais e un concerto acústico do virtuoso músico de jazz e flamenco Jorge Pardo para o outono-inverno de 2024. Tras a intensa tempada de visitas turísticas da época estival, o Museo continuará a súa andaina a partir de setembro cun completo programa de #PlanazosMEGA, onde a cultura da cervexa, a gastronomía e a música en directo seguirán sendo as auténticas protagonistas.
Unha das experiencias máis esperadas, o Oktoberfest, regresará a MEGA o venres 4 de outubro, a partir das 21.00, propoñendo unha singular velada de cata e maridaxe onde se degustarán cervexas e pratos ao máis puro estilo alemán. A programación completa de experiencias de MEGA pode consultarse na páxina web oficial do museo, onde tamén se poden adquirir as entradas para estes primeiros eventos de outono-inverno programados.
#BeerCraft é unha iniciativa cultural e gastronómica orientada a que os amantes da cultura cervexeira poidan descubrir curiosidades da cervexa artesá e dos seus pequenos e exclusivos produtores, a través de catas e obradoiros que se celebran en MEGA. Este outono, o museo programa dúas novas sesións #Beercraft da man de Naparbier (venres 15 de novembro, ás 20.30) e Pink Boots (xoves 5 de decembro, ás 20.30). Os asistentes a estes novos ‘Planazos’ MEGA descubrirán ás persoas detrás das marcas, os seus proxectos e, por suposto, as súas cervexas.
O xoves 31 de outubro, o Museo de Estrella Galicia celebrará o Samaín cunha nova edición dun Planazo moi MEGA: un viaxe gastronómico a través do tempo coa degustación dunha cea maridaxe de inspiración histórica, onde o público poderá catar e gozar de cervexas ancestrais europeas, cuxo orixe data dos séculos XVII ou XVIII. Así, a partir das 21.00, os asistentes poderán saborear cinco cervexas elaboradas con ingredientes ou técnicas de épocas antigas acompañadas de outros tantos pratos.
O venres 29 de novembro, ás 21.00, Jorge Pardo, un xigante da fusión do jazz e o flamenco, visitará MEGA para ofrecer un concerto único en acústico. A entrada a este concerto inclúe un maridaxe cervexeiro con pratos elaborados por Terra Foods e dúas consumicións durante o directo.
MEGA, o Museo de Estrella Galicia, é o primeiro e único recinto museístico de España dedicado á cultura da cervexa. O espazo, situado dentro da única fábrica de Estrella Galicia en A Coruña, nace co obxectivo de divulgar, de forma interactiva e experiencial, a cultura e historia da cervexa. No museo, o público pode gozar do mundo cervexeiro cos cinco sentidos, coñecer os procesos de elaboración de Estrella Galicia ou aprender, incluso, a tirar correctamente unha cana. Visitas libres ou guiadas, maridaxes, obradoiros de tiraxe e eventos especiais conforman unha programación que pon en valor a tradición e o saber facer artesanal de Estrella Galicia.