Máis de 10.000 personas enchen María Pita por Ceuta con Alfonso Rueda entre os asistentes
A praza de María Pita quedou este mércores completamente ateigada para mostrar o apoio da cidadanía coruñesa a Ceuta. A concentración reuniu entre 10.000 e 12.000 persoas, segundo as estimacións da Policía Local, nun acto que se converteu nun dos máis multitudinarios celebrados en Galicia dentro da convocatoria estatal de apoio á cidade autónoma.
Entre os asistentes estivo o presidente da Xunta e do PPdeG, Alfonso Rueda, que acudía á mobilización despois de anunciar previamente a súa intención de participar nela a título persoal. Tamén estiveron presentes o conselleiro de Presidencia, Diego Calvo, e outros representantes populares.
Rueda defendeu durante o acto que a concentración non debía interpretarse como unha cuestión ideolóxica e insistiu en que Ceuta é española, ao tempo que reclamou ao Goberno central un cambio na súa xestión da situación que atravesa a cidade autónoma. O presidente galego considerou que a elevada participación debía servir como un 'toque de atención' e destacou o apoio mostrado desde Galicia aos ceutís.
A praza coruñesa estivo marcada polas bandeiras de España e por consignas de apoio a Ceuta, como 'Ceuta non se vende, Ceuta se defende' ou 'Ceuta non está soa'. Ao mesmo tempo, tamén se escoitaron numerosas críticas contra o presidente do Goberno, Pedro Sánchez, con peticións da súa dimisión.
A mobilización formaba parte da convocatoria realizada pola Federación Española de Municipios e Provincias (FEMP) con motivo do Día de Ceuta. A chamada estendeuse por numerosos concellos de Galicia e do resto de España para expresar apoio á cidadanía ceutí nun momento marcado pola crise migratoria e a situación de tensión na cidade autónoma.
A resposta también chegou aos concellos da área
A mobilización tivo tamén seguimento en diferentes municipios da área de A Coruña. Arteixo e Sada estiveron entre os concellos que se sumaron á convocatoria e celebraron concentracións diante das súas casas consistoriais.
Tamén houbo convocatorias en Carral, Irixoa e Ordes, entre outros municipios, mostrando que o chamamento en apoio a Ceuta se estendeu por boa parte do territorio. En Carral, ademais, o acto estivo acompañado de polémica política, xa que o PSdeG anunciou que non participaría ao considerar que non existira consenso entre os grupos municipais.
A imaxe máis multitudinaria da contorna, con todo, deixounaa A Coruña, onde a enorme afluencia de persoas fixo que María Pita e os seus accesos quedasen practicamente ateigados durante a concentración.