LaNuevaEscuela impulsa en Culleredo unha nova recollida solidaria de xoguetes polo Nadal
A solidariedade volve ser protagonista en Culleredo nestas datas coa iniciativa de recollida de xoguetes promovida por LaNuevaEscuela, que un ano máis se marca como obxectivo repartir ilusión entre a cativada durante o Nadal.
Desde o Concello destacaron o valor desta acción, pensada para que ‘ninguén se quede sen o seu’, e puxeron en valor o traballo organizativo do colectivo, que converte esta campaña nunha cita xa recorrente no calendario solidario do municipio.
A recollida contou tamén co apoio da ONG Mestura, que agradeceu a implicación do equipo de dardos e subliñou a importancia de repetir este tipo de xestos que ‘marcan a diferenza’. Ademais, recoñeceron a colaboración do Bar El Centro de Almeiras, que cedeu o seu espazo e facilitou o desenvolvemento da iniciativa.
Tanto o Concello como a entidade social coinciden en que a suma de colaboracións permite transformar pequenas accións en grandes sorrisos durante as festas.