Iníciase na Coruña unha campaña informativa para apoiar aos concellos na loita contra a violencia de xénero
A subdelegada do Goberno na Coruña, María Rivas, presentou esta mañá os materiais da campaña informativa impulsada dende a subdelegación que chegará aos 93 concellos da provincia.
A subdelegada destacou o importante papel que xogan os concellos para facer fronte á violencia machista, por ser as administracións máis achegadas á veciñanza, por tal motivo considera fundamental seguir buscando fórmulas de colaboración para acompañar as actividades que se fan dende os ente locais.
Neste contesto de colaboración institucional é no que se enmarca esta campaña consistentes en achegarlles materiais en formato díptico, tríptico ou folleto con información sobre os recursos do estado contra a violencias machistas.
Concretamente repartiranse entre os 93 concellos, 2.500 exemplares dos materiais informativos sobre sistema de seguimento por medios telemáticos das prohibicións de aproximación impostas en materia de violencia de xénero e violencia sexual; o servicio de atención telefónico 016 de información, asesoramento xurídico e de atención psicosocial inmediata por persoal especializado; o servicio telefónico de Atención e Protección para vítimas de violencia contra as mulleres (ATENPRO), un servicio que, coa tecnoloxía adecuada, ofrece ás vítimas a atención inmediata, as 24 horas del día, os 365 días; e ALERTCOPS, unha aplicación móbil gratuíta, creada desde a Subdirección Xeral de Sistemas de Información e Comunicacións para a Seguridade (SGSICS), coa finalidade principal de facilitar o acceso ao servizos públicos de seguridade cidadá de modo que calquera persoa, con independencia do seu idioma, orixe ou das súas discapacidades auditivas ou vocais poida comunicar coas Forzas e Corpos de Seguridade do Estado.
Este material, poderá ser utilizado polos concellos nas actividades que realizan en relación coa prevención das violencia machistas, especialmente nas programadas de cara o 25 de novembro.
A subdelegada subliñou que esta campaña complementa as novas transferencia de fondos do Pacto de Estado contra a violencia de xénero, que nesta ano deixa nos municipios da provincia da Coruña 762.935,24 euros para desenvolver políticas de igualdade, accións de concienciación e actividades encamiñadas á consecución dunha sociedade máis igualitaria e con tolerancia cero coa a violencia machista.
María Rivas insistiu na importancia que ten a colaboración entre as administracións e, tamén, coas forzas e corpos de seguridade, facendo un chamamento a seguir afondando nela “para prestar un servizo eficaz e centrado na mellor asistencia ás mulleres vítimas”.
María Rivas subliñou o compromiso inequívoco do Goberno na loita contra as violencias machistas, materializado nos máis de 82 millóns de euros investidos en Galicia desde o 2018 en accións de prevención e loita contra a violencia machista. Deles, máis de 73 millóns foron transferidos á Xunta.
A subdelegada recordou neste sentido, nova transferencia de fondos do Pacto de Estado do pasado mes de xuño que achega á Galicia 1.052.868,12 euros a través de 3 convocatorias: os plans personalizados para mulleres vítimas de violencia de xénero e os seus fillos e fillas, con 63.595,40 euros; os programas de apoio ás vítimas de agresións e/o abusos sexuais, con 529.755,36 euros e programa de dereito á asistencia social integral ás vítimas de violencia de xénero e a atención aos menores, dotado con 459.517,36 euros.