Hoxe comezan en Oleiros os asfaltados definitivos nas obras de Sol e Mar
Este luns, 13 de maio, comezan os asfaltados definitivos das obras de Sol y Mar correspondentes ás vías de servizo, glorieta, acceso ao túnel do lado da Coruña, tramo norte da rúa Areal e entronques coas distintas rúas municipais . Se as condicións climatolóxicas non o impiden, o xoves quedarán finalizados.
Hoxe serán na rúa Areal norte, entronques con rúa Marisqueira, praza de Agramar e rúa Areal sur. Haberá cortes puntuais, que afectarán aos accesos a garaxes.
O martes 14 e o mércores 15 será nas vías de servizo, rotonda. Haberá cortes de tráfico e restricións puntuais para os accesos a garaxes.
E, por último, o xoves 16 será na rúa Garridas e acceso ao túnel do lado da Coruña. O tráfico estará cortado tanto na rúa Garridas como no túnel, desviándose pola rúa Areal e as vías de servizo.