Finalizan as obras do centro social de Monteagudo en Arteixo
O Concello de Arteixo acaba de recibir o novo centro social de Monteagudo, un edificio que vén mellorar os equipamentos da parroquia e amplía as posibilidades dos veciños de realizar actividades. O proxecto supuxo un investimento próximo ao medio millón de euros.
O novo edificio ten un total de 410 metros cadrados e construíuse aproveitando a pendente do terreo cun semisótano que ten luz natural e unha planta baixa onde se sitúa a entrada. Tamén, dispón dunha gran terraza que ofrece a posibilidade de realizar eventos e actividades ao aire libre.
O novo centro acolle tamén varias salas multiusos co obxectivo de que tanto o concello como a asociación de veciños de Monteagudo poidan realizar actividades, unha polivalencia que tamén está previsto nun edificio que tamén ten unha estancia que pode ser utilizada por traballadores municipais.
Agora o concello procederá a amoblar o centro e, xa nunha segunda fase das obras, procederá a urbanizar a parcela anexa ao novo centro social para dotala dun aparcamento e dun lugar que sirva como campo dá festa á parroquia.
O goberno de Carlos Calvelo mantivo varias reunións cos veciños de Monteagudo nas que se tratou a localización máis idónea para o un novo centro social que substituirá ao actual, situado na casa reitoral, e que non cumpría coas esixencias de accesibilidade e onde as actividades se vían limitadas pola antigüidade do inmoble.
O novo edificio sitúase a poucos metros do núcleo rural principal de Monteagudo, nunha parcela que adquirira o Concello e que ata o de agora só usábase como aparcamento. O concello estima que coa súa planificación de novos centros de lecer en pequenas parroquias rurais axuda a crear un maior sentido de pertenza e permiten aos veciños relacionarse de maneira máis estreita, xa que así poden ter centros de reunión para mozas e maiores.