Sociedade

A Compañía de Tranvías detalla os servizos especiais para os días 31 de decembro e 1 de xaneiro

A Compañía de Tranvías de A Coruña publica os horarios especiais do transporte urbano para as festividades de Fin de Ano e Aninovo:

• 31 de decembro: O servizo de buses urbanos finalizará ás 21.30 horas, momento no que sairá o último autobús de cada cabeceira de liña.
• Noite do 31 de decembro ao 1 de xaneiro: Reforzarase o servizo do Bus Búho con dous autobuses adicionais. Este servizo especial comezará ás 00.30 horas do día 1, con frecuencias de 30 minutos ata as 7.30 horas da mañá.
• 1 de xaneiro: O transporte urbano retomarase ás 10.00 horas cunha asignación de dous autobuses por liña, salvo na liña 6, que contará, como é habitual nos festivos, con tres vehículos (dous na liña 6 e un na liña 6A).

A Compañía de Tranvías reafirma así o seu compromiso coa cidadanía, adaptando o servizo ás necesidades destes días tan sinalados.