Este luns Oleiros abre a inscrición no programa de excursionismo 'Vén e descubre'
O Concello de Oleiros abre o vindeiro luns 18 de marzo o prazo de inscrición telemática para o programa de excursionismo 'Ven e descubre'.
Todas as persoas que desexen inscribirse deberán facelo de forma telemática desde o 18 de marzo ata o 1 de abril a través da Sede electrónica do Concello.
Para inscribirse de forma telefónica seguiranse as seguintes quendas chamando ao 981 610 000 en horarios de tarde de 16.00 a 20.00 horas:
- Dexo, Maianca e Serantes: 18 e 19 de marzo
- Santa Cruz e Montrove: 20 e 21 de marzo
- Perillo: do 22 ao 25 de marzo
- Dorneda e Nós: 26 e 27 de marzo
- Oleiros e Iñás: 1 de abril
O día 4 de abril publicaranse os listados provisionais das persoas preinscritas. O mércores 10 de abril ás 12.00 horas producirase o sorteo e as listas de admitidos definitivas serán expostas o venres 12 de abril.