Sociedade

As pistas do Carregal acollen un evento con entrada de balde e un sorteo de 300 euros o domingo

As pistas do Carregal converteranse esta fin de semana no punto de encontro para os afeccionados ao coleccionismo e o vintage coa celebración da VI Feira de Antigüidades. O evento terá lugar o sábado 30 de novembro e o domingo 1 de decembro de 2024.

O horario da feira será de 10:00 a 14:00 horas e de 16:00 a 20:30 horas. Como atractivo adicional, o domingo ás 20:00 horas realizarase un sorteo de 300 euros para gastar nos postos participantes.

A entrada será de balde, facendo desta feira unha oportunidade única para descubrir auténticas xoias antigas e desfrutar dun ambiente único. O evento está organizado pola Asociación Cultural Ferro Vello en colaboración co Concello de Betanzos.