Esta é a programación do Samaín na Coruña: obradoiros, pasarrúas e escaparates embruxados para a celebración máxica
O Concello da Coruña celebra o Samaín cunha completa programación pensada para dinamizar a cidade e implicar tanto á rapazada como aos comercios locais. Este sábado, 26 de outubro, máis de dez espazos municipais acollerán diferentes obradoiros infantís, mentres que o tradicional concurso de escaparatismo envolverá a cidade nun ambiente festivo e misterioso.
A alcaldesa, Inés Rey, aposta un ano máis por esta festividade como unha oportunidade de impulsar o comercio de proximidade e ofrecer alternativas de lecer para as familias. Entre as actividades destacadas está o "Truco ou trato", no que nenos e nenas percorrerán os comercios da súa zona, vestidos cos disfraces elaborados nos centros educativos. Diana Cabanas, concelleira de Emprego, Comercio e Mercados, resaltou a excelente acollida das propostas, agradecendo "o compromiso constante do comercio local coa dinamización da cidade".
O concurso de escaparatismo, que este ano conta con máis de 100 comercios inscritos, premiará os cinco mellores escaparates cun total de 6.500 euros. Os establecementos serán avaliados en función da súa orixinalidade, estética e adaptación ao espírito do Samaín. Os gañadores serán anunciados o 31 de outubro.
Este sábado tamén terán lugar os obradoiros infantís gratuítos, en mercados e centros cívicos de toda a cidade. As actividades, abertas a nenos e nenas de 4 a 12 anos, inclúen a creación de disfraces, monicreques e escenas de Samaín. Para participar, só é necesario presentar un tícket de compra de mínimo 5 euros nun comercio local, realizado desde o 15 de outubro. As inscricións están dispoñibles en samaincoruna.gal.
Programa de obradoiros infantís - Sábado 26 de outubro:
Mercado municipal de San Agustín:
- 10:15 a 11:00: Escena de Samaín (Diorama)
- 11:30 a 12:30: Disfrace de Cabaza
- 13:00 a 14:00: Monicreque de Samaín
Mercado municipal de Elviña:
- 10:15 a 11:00: Disfrace de Cabaza
- 11:30 a 12:30: Escena de Samaín (Diorama)
- 13:00 a 14:00: Monicreque de Samaín
Mercado municipal de Eusebio da Guarda:
- 10:15 a 11:00: Monicreque de Samaín
- 11:30 a 12:30: Disfrace de Cabaza
- 13:00 a 14:00: Escena de Samaín (Diorama)
Mercado municipal de Monte Alto:
- 10:15 a 11:00: Monicreque de Samaín
- 11:30 a 12:30: Escena de Samaín (Diorama)
- 13:00 a 14:00: Lapiseiro de araña
Centro Cívico San Diego:
- 10:15 a 11:15: Escena de Samaín (Diorama)
- 11:30 a 12:15: Disfrace de Cabaza
- 12:30 a 13:15: Lapiseiro de araña
Centro Cívico Castrillón:
- 10:45 a 11:15: Escena de Samaín (Diorama)
- 11:30 a 12:15: Lapiseiro de araña
- 12:30 a 13:15: Monicreque de Samaín
OMIC (Oficina Municipal de Información ao Consumidor):
- 10:15 a 11:00: Monicreque de Samaín
- 11:30 a 12:30: Escena de Samaín (Diorama)
- 13:00 a 14:00: Lapiseiro de araña
Centro Cívico de Eirís:
- 10:45 a 11:15: Monicreque de Samaín
- 11:30 a 12:15: Disfrace de Cabaza
- 12:30 a 13:15: Lapiseiro de araña
Centro Cívico Novoboandanza:
- 10:15 a 11:00: Monicreque de Samaín
- 11:30 a 12:30: Disfrace de Cabaza
- 13:00 a 14:00: Escena de Samaín (Diorama)
Centro Cívico Sagrada Familia:
- 10:45 a 11:15: Monicreque de Samaín
- 11:30 a 12:15: Disfrace de Cabaza
- 12:30 a 13:15: Escena de Samaín (Diorama)