Sociedade

A pintora betanceira presenta 16 pezas pictóricas centradas na figura feminina, a identidade, o corpo e a relación da muller co rural

Esta martes, con motivo do Día da Muller Rural, inaugurouse na Casa-Museo de María Antonia Dans a exposición da pintora betanceira Carmen Seijas. A mostra conta cun total de 16 pezas pictóricas, dispoñibles tanto para ser contempladas como adquiridas, nas que Seijas explora a figura da muller. A súa obra aborda temas relacionados coa identidade feminina, o corpo, as emocións, e a conexión entre a muller e a natureza, a terra e o rural.

A exposición permanecerá aberta ao público no horario habitual da Casa-Museo: de martes a venres, de 11:00 a 14:00 horas e de 16:00 a 19:00 horas, mentres que os sábados e domingos o horario será só de mañá, de 10:00 a 13:00 horas.