Culleredo presenta 'As formas do amor', unha obra que aposta pola igualdade e a diversidade
O Concello de Culleredo acollerá este venres, 29 de novembro, a representación da obra 'As formas do amor', da compañía Verdeveras Expresións Artísticas. A función terá lugar ás 20:30 horas no Auditorio do Edificio de Servizos Múltiples de O Burgo, dentro do programa cultural municipal ‘Culleredo en Escena’.
A obra, dirixida a un público adulto, aborda con frescura temas como o amor, a igualdade e a visibilización de masculinidades alternativas, ofrecendo unha experiencia conmovedora e chea de valores positivos.
Este espectáculo tamén forma parte da Rede Cultural da Deputación da Coruña e ten entrada gratuíta, aínda que se require reserva previa, dispoñible durante toda a semana chamando ao teléfono 981 665 597 ou no propio edificio en horario de 16:00 a 21:00 horas.
Con esta peza, o Concello reafirma o seu compromiso cunha programación cultural diversa e enriquecedora, que invita á reflexión e ao goce da arte escénica.