Cruz Vermella A Coruña organiza o sábado a primeira andaina solidaria pola donación de sangue
Unha soa bolsa de sangue pode salvar tres vidas. Por este motivo, o alumnado do Centro de Formación de Cruz Vermella na cidade da Coruña decidiu bautizar así a que será a primeira marcha solidaria pola doazón de sangue na cidade: ‘1 bolsa 3 vidas’.
Grazas á colaboración da Axencia de Doazón de Órganos e Sangue (ADOS), a andaina terá lugar o vindeiro sábado, 1 de xuño, a partir das 11.00 horas na zona da Mariña no paseo do Parrote.
A andaina consistirá nun percorrido circular e con diferentes grupos de saída diferenciados polas cores das pulseiras. Neste sentido, a marcha discorrerá desde A Mariña ata a base de salvamento marítimo, xunto ao dique de abrigo, e regresará ao momento de saída, onde ADOS terá habilitadas unidades móbiles para quen se some á proposta do alumnado de Cruz Vermella doando sangue.
Ademais, co obxectivo de facilitar a doazón das familias, a Organización humanitaria levará a cabo diversas actividades dirixidas aos máis pequenos.
As inscricións, que teñen un custo de seis euros para as persoas maiores de 12 anos, poden realizarse de forma en liña a través do seguinte enlace e inclúen unha camiseta, unha pulseira e avituallamiento para os e as participantes. Todos os detalles están dispoñibles na devandita páxina web e no teléfono 981 169 163.
