Actualidade

Adif inicia o paso inferior de acceso ao futuro aparcamento, que dará servizo ás estacións de ferrocarril e autobuses e actúa sobre sobre a catenaria

Adif avanza nas obras da estación intermodal Coruña co inicio dunha nova fase. Trátase da construción do novo paso inferior de acceso ao futuro aparcamento, así como o desenvolvemento de traballos de catenaria.

Grazas ao paso inferior accederase ao futuro aparcamento, que dará servizo tanto á estación ferroviaria como á de autobuses, integradas na área intermodal da Coruña.

O paso subterráneo executarase cunha escavación do tipo cut and cover, que se realizará entre pantallas de pilotes, pechándose a estrutura cunha laxa superior, a modo de cubrición, e outra inferior, sobre a que se asintan as capas de firme.

A natureza dos traballos de construción do paso inferior obriga a restrinxir o uso do aparcamento actual da estación e tamén afectará o tráfico da Avenida do Ferrocarril, que se suprimirá, así como ao aparcamento da cidade, que verá reducido o número de prazas.

Paralelamente, iniciaronse traballos no sistema de electrificación (catenaria) en zonas próximas ás vías e desenvolveranse en horario nocturno (entre as 23.00 horas e as 05.00 horas) coa fin de compatibilizalas co tráfico ferroviario da estación. Para abordar esta fase, executaranse primeiro as cimentacións cilíndricas, sobre as que se izarán os postes que sosterán o sistema de catenaria sobre as vías.

Tamén, abórdase a reordenación de vías e plataformas, coa construción de parte da plataforma ferroviaria da nova configuración de vías e a plataforma 1: de feito, xa se efectuaron traballos de levantes de vías, ripados (desprazamento lateral) de vías e catenaria asociadas e a montaxe de novas plataformas técnicas, así como a demolición de edificacións e reposición de servizos.

Ademais, execútanse actuacións de sinalización, sistemas de protección de tren, control de tráfico centralizado (CTC) e comunicacións, que dotarán á estación da Coruña de novas instalacións de sinalización e comunicacións. En paralelo, realízanse as redes de drenaxe e servizos de saneamento.

Espérase que a remodelación e modernización da estación da Coruña, cun investimento superior aos 70 millóns de euros, converta a marquesiña histórica nun gran vestíbulo con zona comercial, unha vez retiradas as vías do seu interior, habilitando unha nova sala de embarque e reordenando as plataformas baixo unha nova cuberta.