Carres celebra as festas de San Vicente 2026 con dous días de misa, sesión vermú e verbena co Grupo Montreal
A parroquia de Carres (Oza-Cesuras) xa quenta motores para as festas patronais na honra a San Vicente 2026, que se desenvolverán durante dúas xornadas, o sábado 24 e o domingo 25 de xaneiro, cun programa no que non faltarán os actos relixiosos nin a música para gozar en comunidade.
Ambas datas inclúen misa solemne ás 13.30 h. O sábado, tras a celebración relixiosa, haberá sesión vermú e verbena a cargo do Grupo Montreal, que repetirá tamén o domingo coa sesión vermú, converténdose no principal reclamo musical da fin de semana festiva.
A organización tamén prevé que o campo estea cuberto cunha carpa climatizada, unha medida pensada para garantir o confort do público e favorecer a participación, independentemente das condicións meteorolóxicas propias desta época do ano.
O Concello de Oza-Cesuras trasladou, ademais, que prestará axuda municipal para a preparación das festas e subliñou a importancia da coordinación coas comisións festivas para asegurar o bo desenvolvemento das celebracións.