Carral incentiva a creatividade co Concurso de Decoración de Nadal
O Concello de Carral puxo en marcha unha nova edición do Concurso de Decoración de Nadal, unha iniciativa que pretende animar á veciñanza e aos comerciantes locais a encher as rúas e escaparates do municipio co espírito destas festas. O certame premiará a creatividade e orixinalidade das decoracións, converténdose nunha oportunidade para potenciar o ambiente festivo e unir á comunidade.
As bases do concurso, que inclúen os requisitos e criterios de avaliación, poden consultarse na páxina web oficial do Concello. Ademais, os interesados poden descargar o formulario de solicitude directamente dende a mesma web.
O prazo de inscrición abrirase o día seguinte á publicación do extracto das bases no Boletín Oficial da Provincia (BOP), o que se espera que aconteza ao longo desta semana. Por este motivo, dende o Concello recoméndase consultar as bases e preparar a documentación necesaria para formalizar a inscrición no menor tempo posible.
O certame busca incentivar non só a participación individual, senón tamén promover a implicación colectiva dos veciños e comerciantes para que Carral se transforme nun referente de decoración e espírito navideño.
Para calquera dúbida ou máis información, as persoas interesadas poden poñerse en contacto coas oficinas municipais ou visitar a páxina web oficial.