Actualidade

A subdelegada do Goberno na Coruña, presidiu xunto o alcalde de Carral a reunión da Xunta Local de Seguridade

A subdelegada do Goberno na Coruña, María Rivas, presidiu este mércores xunto co alcalde de Carral, Javier Gestal, a reunión da Xunta Local de Seguridade onde se fixo unha valoración positiva dos datos de seguridade do concello, resaltando a colaboración e coordinación entre as Forzas e Corpos de Seguridade do Estado e a Policía Local.

Neste senso a subdelegada quixo destacar que tendo en conta os datos do ano 2023, o concello de Carral ten unha taxa de criminalidade que está 7 puntos por debaixo da media provincial, situándose en Carral en 30 delitos por dada mil habitantes e en 37 por cada mil para o conxunto da provincia. Esta taxa tamén está por debaixo da media de Galicia e moi por debaixo da media estatal que é do 50 delitos por cada mil habitantes.

María Rivas manifestou a súa satisfacción polo traballo que tamén ten reflexo na mellora dos esclarecementos tanto no caso dos delitos leves que mellora en 6,8 puntos; como no caso das infraccións penais que mellora en 3,18 puntos. Neste sentido, María Rivas subliñou que a “colaboración e a investigación constante so clave para a resolución e para mellorar a eficacia policial, e os datos de este concellos avalan ese traballo”.

VioGen

Outro dos puntos importantes da reunión foi o análise dos datos relativos á violencia de xénero. A subdelegada informou que neste momento, na provincia da Coruña indican que hai 2.221 vítimas en VioGen.

Rivas insistiu na necesidade de que todas as administración se impliquen ao máximo na loita contra a violencia machista, recordando que “cada unha das 2.221 vítimas, son unha ineludible razón, un recordatorio diario de que debemos traballar de xeito constante por protexer ás mulleres e ás súas familias. A loita contra a violencia de xénero é un obxectivo ao que queremos sumar cada vez máis efectivos e máis medios, de aí o constante impulso que dende a subdelegación do goberno damos para que cada día sexan máis os concellos adheridos a VioGen.”.

Por este motivo, María Rivas sinalou novamente a colaboración e coordinación das administracións como unha ferramenta imprescindible para mellorar a protección das vítimas de violencia de xénero, e convidou ao alcalde a que valore a incorporación do concello ao protocolo VioGen, chamamento que fai extensivo aos concellos que conten con policía local para que entre todas e todos podamos mellorar este servizo.

Así recordou que na provincia xa son de 21 os concellos que formalizaron a súa incorporación a VioGen, e que actualmente están en proceso de adhesión outros 9 concellos. Tamén resaltou a importancia de traballar a través das Mesas de Coordinación Interinstitucional, que actualmente xa operan en 39 concellos, trasladándolle ao alcalde todo o apoio necesario para crear a Mesa en Carral.

O Concello de Carral recibiu 26.027,56 euros dende o ano 2018 no marco do Pacto de Estado contra a Violencia de Xénero para o desenvolvemento de actividades para a prevención e sensibilización nesta materia