Cambre organiza unha nova edición da Xuntanza do Maior para homenaxear aos seus maiores
ACoruñaXa
O evento celebrarase o 26 de xaneiro no Polideportivo Os Campóns de Sigrás
8 Jan 2025
O Concello de Cambre organiza a XVI edición da Xuntanza do Maior, un encontro que ten como obxectivo homenaxear e celebrar a contribución dos maiores do municipio. O evento terá lugar o domingo, 26 de xaneiro de 2025, no Polideportivo Os Campóns, en Sigrás.
Poderán participar todas as persoas maiores de 65 anos empadroadas en Cambre. O prazo de inscrición estará aberto entre o 13 e o 20 de xaneiro, en horario de 9:00 a 13:00 horas, no salón de plenos da Casa do Concello. Para calquera dúbida ou máis información, pódese chamar ao número de teléfono 981 65 48 12.