Betanzos celebra hoxe a Festa da Xuventude

ACoruñaXa
O parque do Pasatempo acolle a celebración na que haberá inchables e actividades para os cativos e actuacións de disc jockeys e da Orquestra New York
Imaxe da Praza do Concello en Betanzos
16 May 2024

Hoxe celébrase en Betanzos a IV Festa da Xuventude que acollerá un amplo programa de actividades desde as 17.30 horas no auditorio do parque do Pasatempo. Comezarán con inchables para os máis pequenos e pequenas ata as 20.00 horas. Haberá un obradoiro de cócteles sen alcol entre as 18.00 horas e as 19.00 horas e os espectáculos para nenos e nenas de Magic Mateo e un musical infantil desde as 18.30 horas.

O programa continuará a partir das 20.00 horas con outro “selo” betanceiro coas danzas gremiais, para dar paso, a partir das 22.30 horas á actuación do grupo Lontreira unha banda musical galega integrada por Adri Coyote (Adriana Cores da Illa de Arousa) Rotce (Héctor Rodríguez de Moaña) e Iván Barral de Meis, que ofrecerán desde ritmos caribeños como cumbia ata sons máis eléctricos.

Desde as 23.30 horas a festa contará coa presenza da Orquesta New York para acabar a edición deste ano co DJ betanceiro Sebas 21 ata a madrugada. A alcaldesa lembrou que o obxectivo da festa é “potenciar e apoiar citas festivas que contribúan a dinamizar a actividade dos mozos e das mozas e a súa implicación nestas”.

Festa-da-Xuventude-2024-scaled
0.18868207931519