Betanzos acolle o espectáculo infantil 'Toupiciencia Show' para celebrar o mes da ciencia en galego
O sábado 23 de novembro, Betanzos celebrará o mes da ciencia en galego coa representación do 'Toupiciencia Show', un espectáculo a cargo da Xanela do Maxín, que se levará a cabo na Sala de usos múltiples do Edificio Arquivo ás 12:00 horas. Esta actividade, incluída no programa Sábados Miúdos, está dirixida a nenos e nenas de máis de 5 anos e ás súas familias, cunha duración de 40 minutos.
O evento contará con 20 prazas dispoñibles, dando prioridade aos nenos empadroados en Betanzos, que poderán asistir acompañados de ata dúas persoas adultas. A inscrición abrirase na web do Concello desde o 18 de novembro ás 10:00 h ata o 21 de novembro ás 14:00 h ou ata completar as prazas. As confirmacións enviaranse ao correo electrónico facilitado no momento da inscrición.
No espectáculo, Toupiña e o seu axudante Protonio realizarán dinámicos experimentos para promover a curiosidade e destacar a importancia do galego como lingua científica. Esta actividade forma parte do programa de Sábados Miúdos, que finalizará o 14 de decembro coa actuación de Lydia Botana e o seu espectáculo “Momento musical para bebés”.
Para máis información, pódese contactar co Servizo de Normalización Lingüística do Concello de Betanzos no teléfono 981 770 100 ou no correo normalizacion@betanzos.gal.