As Torres de Santa Cruz despedirán as Tardes do Alfar con música en directo e olería en vivo
As Torres de Santa Cruz acollerán este xoves, 30 de xullo, a última cita das Tardes do Alfar, o ciclo cultural organizado polo Concello de Oleiros que combina música en directo, artesanía e lecer ao aire libre.
A programación arrancará ás 19.00 horas cunha mostra de olería en vivo a cargo do recoñecido oleiro Alberto Añón, que amosará ao público o proceso de creación das pezas artesanais.
A partir das 20.00 horas será a quenda de SUPERFUZZ BIRD, unha banda de rock cun son influenciado polo garage e o rock alternativo, coñecida pola intensidade das súas actuacións en directo e pola conexión que establece co público.
O ciclo despídese tras consolidarse como unha das propostas culturais do verán en Oleiros, ofrecendo durante todos os xoves de xullo actividades gratuítas para todos os públicos nun espazo emblemático como As Torres de Santa Cruz.
O Concello de Oleiros anima á veciñanza a participar nesta última xornada das Tardes do Alfar e gozar dunha tarde que combinará música, artesanía e cultura ao aire libre.