As obras do Mercado de Curtis avanzan a bo ritmo
As obras de modernización do Mercado de Curtis continúan avanzando a bo ritmo. Neste sentido, estase instalando unha pérgola no Recinto Feiral de Curtis.
Esta actuación axudará a celebrar o mercado de verduras ao aire libre ao resguardo das inclemencias do tempo. Así o asegurou na mañá do venres o alcalde do Concello de Curtis, Javier Caínzos, quen mostrou a súa satisfacción polo ritmo das obras que sinalou “moi necesarias”.
Estas obras realízanse no marco do proxecto “Modernización del Mercado de Curtis”, unhas actuacións subvencionadas por resolución da Secretaría do Estado de Comercio, en base á liña de axudas para o apoio da actividade comercial en zonas rurais, do ano 2022, no marco do Plan de Recuperación Transformación e Resiliencia, Financiado pola Unión Europea- Next Generation EU.