As obras de remodelación da Avenida Alfonso Molina obrigarán a cortar o tráfico na rúa Antonio Ínsua Rivas
O Ministerio de Transportes e Mobilidade Sustentable está levando a cabo as obras de remodelación da Avenida Alfonso Molina, na cidade da Coruña. O orzamento global vixente destas obras ascende a 18,3 millóns de euros, IVE incluído.
Co avance dos traballos, será necesario cortar o acceso desde a avenida Alfonso Molina (AC-11) á rúa Antonio Ínsua Rivas (DP-3005) para executar un prisma de telecomunicacións no centro da calzada. Os cortes estarán vixentes desde o 27 de xaneiro ata o 7 de febreiro.
Por este motivo, o tráfico será desviado pola rúa Lamelas e, desde a rotonda de acceso á Universidade, retomarase a vía en dirección ao Campus Zapateira. Só as persoas residentes poderán acceder ao inicio e final da xornada cos seus vehículos.O corte co desvío non afecta a circulación no tramo principal da avenida Alfonso Molina.