Sociedade

As Súas Maxestades visitarán o núcleo urbano o 5 de xaneiro e recibirán aos nenos e nenas no Pazo dos Deportes

O próximo 5 de xaneiro, Arteixo encherase de maxia coa tradicional Cabalgata de Reis. As Súas Maxestades sairán ás 18:00 horas da Rúa Alcalde Baldomero González e percorrerán as principais rúas do núcleo urbano: Av. do Balneario, Paseo do Balneario, Rúa Río Tambre, Rúa Río Sil ata a Travesía de Arteixo, Av. de Fisterra, Avenida de Caión e Avenida Arsenio Iglesias, ata rematar no Pazo dos Deportes arredor das 19:30 horas.

Ao final do percorrido, os Reis Magos recibirán aos máis pequenos no Pazo dos Deportes para escoitar os seus desexos e repartir ilusión. Para quen queira falar persoalmente cun dos Reis, é posible solicitar cita previa a través da seguinte web oficial.