Arteixo pon en marcha o servizo de autobús ás praias este domingo
O Concello de Arteixo poñerá en marcha as liñas de transporte municipal ás praias do municipio o vindeiro domingo 16 de xuño. Este servizo iníciase á vez que esta fin de semana póñense en marcha tamén o dispositivo de socorrismo nas sete praias con bandeira azul de Arteixo.
O servizo de socorrisno contará con 45 efectivos, entre socorristas, ATS e pilotos de embarcación. O servizo conta con vos embarcacións e unha moto náutica que teñen como base o porto exterior co obxectivo de que o tempo de reacción durante unha emerxencia sexa menor. O servizo tamén dispón de dous quads equipados como vehículos de emerxencias para o transporte dos feridos polas praias de maneira máis rápida e eficiente.
Cen mil pasaxeiros en 2023
Os autobuses con destino ás praias súmanse así ás outras liñas que comunican os núcleos urbanos entre si e cos núcleos rurais do municipio.
O transporte municipal superou no 2023 os cen mil pasaxeiros en todas as súas liñas e é unha iniciativa que busca fomentar a mobilidade de forma sostible, e que se busca que os veciños poidan utilizar de forma sinxela e constante unha rede de liñas de comunicación que melloren a conectividade entre os diferentes núcleos do municipio.
