Cultura | Sociedade

A partir do venres 9, distintos espazos municipais programan sesións de manualidades, xogos, música e actividades interxeracionais, con propostas repartidas ao longo de todo o mes

Os centros sociais de Arteixo continúan en xaneiro coa programación de actividades posta en marcha durante o Nadal, cunha oferta pensada para públicos diversos e cun claro enfoque na participación veciñal. Coa data de hoxe, 8 de xaneiro, como referencia, a maior parte dos obradoiros anunciados arrancan desde este venres 9 e prolongaranse ata final de mes, con alternativas de creatividade, aprendizaxe e convivencia en varios puntos do municipio.

Programación específica:

• No Centro Interxeracional do Balneario, a ‘Sala Colectiva’ acolle en xaneiro propostas para familias como o obradoiro de reciclaxe (venres 9, 16.30 a 17.30 h), bingo (luns 12, 16.30 a 18.00 h), xogos en familia (venres 16, 16.30 a 17.30 h), creación de figuras con hama beads (luns 19, 16.30 a 17.30 h), unha manualidade especial polo Día Internacional da Educación (venres 23, 16.30 a 17.30 h) e unha sesión de ‘Recordando cancións’ (luns 26, 16.00 a 17.00 h). Ademais, mantense ‘Adestrando a mente’ (martes 16.00 a 17.00 h e sábados 11.30 a 12.30 h) e o servizo de conciliación con temáticas semanais.
• En Barrañán, tras a actividade do día 8, quedan por diante ‘Adestrando a mente’ (xoves 15, 18.00 a 20.00 h), obradoiro de reciclaxe (xoves 22, 18.00 a 20.00 h) e ‘Recordando cancións de antes’ (xoves 29, 18.00 a 20.00 h).
• En Armentón, a axenda continúa con ‘Creando figuras: hama beads’ (xoves 15, 17.00 a 19.00 h), ‘Recordando cancións de antes’ (xoves 22, 17.00 a 19.00 h) e obradoiro de reciclaxe (xoves 29, 17.00 a 19.00 h).
• No Alto de Arteixo, repítese cada xoves ‘Adestrando a mente’ para persoas adultas (17.00 a 19.00 h) e prográmanse actividades puntuais como hama beads (venres 9), elaboración de pegatinas (venres 16), manualidade especial polo Día Internacional da Educación (venres 23) e obradoiro de reciclaxe (venres 30), todas entre as 17.00 e as 19.00 h.
• En A Lagoa, haberá ‘Adestrando a mente’ (martes 13, 16.00 a 18.00 h), ‘Recordando cancións de antes’ (martes 20, 16.00 a 18.00 h) e xogos en familia (martes 27, 16.00 a 18.00 h).
• No Centro de Maiores A Baiuca, o calendario inclúe bingo (venres 9, 17.00 a 19.00 h), reciclaxe (luns 12, 18.00 a 19.30 h), papiroflexia (mércores 14, 18.00 a 19.00 h), debuxo con acuarela (venres 16, 18.00 a 19.30 h), pasapalabra (luns 19, 18.00 a 19.30 h), ‘Recordando cancións’ (mércores 21, 17.30 a 19.30 h), manualidade especial polo Día Internacional da Educación (venres 23, 18.00 a 19.30 h), marcapáxinas (luns 26, 18.30 a 19.30 h), xogos en familia (mércores 28, 17.30 a 19.30 h) e a proposta ‘Dixitalízate’ (venres 30, 18.00 a 19.30 h).

  Dende o Concello lembran que algunhas actividades poden requirir que as persoas participantes acheguen materiais, polo que se recomenda consultar no propio centro social antes de asistir.