Arteixo celebra o Nadal con actividades para toda a familia na Praza do Balneario
A Praza do Balneario de Arteixo converterase este Nadal nun espazo de diversión e entretemento coa proposta "Artei Xogo Nadal", organizada polo Concello de Arteixo. A programación, que comeza o martes 24 de decembro e se prolongará ata o domingo 29, inclúe actividades pensadas para toda a familia.
O martes 24, de 11:00 a 14:00 horas, dará inicio o evento, e dende o mércores 26 ata o domingo 29 de decembro as actividades celebraranse en horario de tarde, de 17:00 a 20:00 horas. Entre as propostas destacadas atópanse espectáculos de maxia, a Festa da Neve, e concertos de Broken Peach, Xeración M e King Kids. Tamén haberá contacontos, obradoiros, xogos, algodón de azucre, flocos de millo, e unha fotomatón onde as familias poderán inmortalizar a súa experiencia.
Ademais, as persoas asistentes terán a oportunidade de participar nun sorteo de entradas para o Circo do Sol, engadindo un aliciente especial ao evento. Dende o Concello, anímase a toda a veciñanza e visitantes a achegarse para gozar dun Nadal único e cheo de diversión.