Sociedade | Educación

O ‘Reto Rural Dixital’ celebrarase os días 3 e 10 de febreiro no local anexo ao CEIP A Castellana, en horario de 11.00 a 14.00 h

O Concello de Aranga porá en marcha unha nova edición do programa ‘Reto Rural Dixital’, unha proposta de formación básica pensada para que a veciñanza do rural mellore o seu manexo do teléfono móbil e das ferramentas dixitais que se usan a diario.

As sesións desenvolveranse no local anexo ao CEIP A Castellana (coñecido como a ‘Escuela Amarela’) os días 3 e 10 de febreiro de 2026, entre as 11.00 e as 14.00 h. O contido inclúe desde nocións esenciais de uso do smartphone e seguridade no móbil ata o emprego de aplicacións cotiás, a detección de bulos e noticias falsas, o funcionamento das redes sociais e a creación de contidos audiovisuais.

Para participar é preciso inscribirse previamente chamando ao 981 793 551.