Adrián Gold, é o segundo DJ confirmado no Recorda Fest 2024
Ata 10 DJ’s residentes das principais salas de festas de Galicia e España estarán no Recorda Fest 2024 picando entre concerto e concerto no escenario Johnnie Walker.
A segunda das confirmacións, tras Álex Clap, é Adrián Gold, quen repite participación tras participar na primeira edición do Festival. O artista, natural de Ordes, pica en salas de toda a nosa Comunidade Autónoma e está enmarcado no estilo electrónico e urbano.
Gold compartiu escenario con máis de cinco artistas internacionais, como Romeo Santos, Quevedo ou Omar Montes, entre outros. Os seus espectáculos destacan pola súa gran versatilidade de estilos, facendo que as súas mesturas conecten con todo tipo de público.
Para o Recorda Fest 2024, as confirmacións son, nestes momentos: Amaral, Fran Perea, Sidonie, Sidecars, Morochos, Rulo e a Contrabanda, Álvaro de Luna, Marlon, Coti e Maldita Nerea no escenario principal; Álex Clap e Adrián Gold no Johnnie Walker.