Abre o prazo de inscrición para un taller de Estimulación Cognitiva en Oza-Cesuras
ACoruñaXa
O taller comezará o 5 de novembro e ofrecerá actividades orientadas a fortalecer as habilidades cognitivas dos maiores en sesións de tarde
6 Out 2024
O Concello de Oza-Cesuras puxo en marcha un taller de 'Estimulación Cognitiva' destinado ás persoas maiores, que comezará o vindeiro 5 de novembro no Centro Social de maiores de Oza. As sesións realizaranse todos os martes e xoves, con dúas quendas a elixir: de 17:00 a 18:00 horas e de 18:00 a 19:00 horas.
Este taller, cun custo de 15 euros ao mes, ten como obxectivo reforzar as capacidades cognitivas das persoas participantes a través de actividades específicas. As persoas interesadas en inscribirse poden facelo desde hoxe ata o 31 de outubro, acudindo ás sedes de Oza e Cesuras ou chamando aos teléfonos 981 790 001 ou 981 792 000.
