Abegondo celebra o venres 24 de maio a súa Festa da Xuventude
ACoruñaXa
Os concertos correrán a cargo do Grupo Orixe, o DJ Borja Solla, o DJ Sonic e o Discomóvil Impacto
20 Maio 2024
Os rapaces e rapazas de Abegondo vivirán a súa festa o vindeiro venres 24 de maio. Deste xeito, o Concello retoma así a Festa da Xuventude, que se organizaba anualmente ata a interrupción pola pandemia de Covid-19.
Neste sentido, o evento terá lugar no campo da feira, en San Marcos, a partir das 21.30 horas. Haberá música, cantina, food trucks e sorteos de agasallos ao longo da velada.
Os concertos correrán a cargo do Grupo Orixe, o DJ Borja Solla, o DJ Sonic e o Discomóvil Impacto.
