Abegondo avanza na contratación do Servizo de Axuda no Fogar cun incremento no prezo por hora
O Concello de Abegondo está a dar un paso significativo na mellora do Servizo de Axuda no Fogar (SAF) coas novas medidas para o incremento do prezo por hora do servizo. A comisión informativa, reunida onte, ditou un fallo favorable ao expediente de contratación que se presentará á Xunta de Goberno para a súa aprobación final.
O contrato terá unha duración inicial de un ano, cunha posibilidade de prórroga, e contempla un orzamento base de licitación de 647.660 euros anuais. O novo acordo inclúe a prestación dun total de 26.500 horas ao ano, distribuídas en 18.150 horas ordinarias, 1.850 horas en festivos e domingos, e 6.500 horas de libre concorrencia.
Unha das principais novidades do contrato é o aumento no custo por hora do servizo, que se incrementará a 24,4 euros. Este ajuste permitirá asegurar que o equipo de traballo dispoña das mellores condicións para ofrecer un servizo de alta calidade aos veciños e veciñas que o necesiten.
O alcalde de Abegondo, José Antonio Santiso, expresou a súa satisfacción pola mellora do servizo, destacando que a asistencia é “tan demandada como esencial para moitos dos nosos veciños e veciñas”. Esta medida busca garantir a continuidade e a calidade da asistencia domiciliaria no municipio.
O novo contrato está deseñado para asegurar unha prestación eficiente e adecuada do servizo, respondendo ás necesidades dos residentes e mellorando as condicións laborais do persoal encargado da asistencia.