Actualidade

A medida busca mellorar a seguridade viaria ante o aumento de circulación polo parque das Trece Rosas

A rúa Chan das Viñas, situada na contorna do parque das Trece Rosas e a avenida Che Guevara en Oleiros, pasará a ter un único sentido de circulación desde o parque cara á avenida. Este cambio responde ao incremento de vehículos na zona debido ao forte atractivo que xera o parque.

Para garantir a seguridade viaria, hoxe quedarán instalados os novos sinais que indican o sentido único de circulación. Deste xeito, os vehículos deberán acceder á rúa Chan das Viñas a través do Camiño Bastiagueiro Pequeno e saír pola avenida Ernesto Che Guevara, á altura da rúa Marcial del Adalid.