Sociedade

Por diante tres días de exhibición dos mellores sabores coruñeses, con showcookings, vermú e produtos de gran calidade na feira gourmet de Pontevedra

Imaxe dun showcooking do proxecto 'A provincia que sabe' da Deputación da Coruña

A Deputación da Coruña, a través da súa campaña 'A provincia que sabe', leva os mellores sabores coruñeses á oitava edición da feira Etiqueta Negra, o evento galego de produtos gourmet que se celebra en Pontevedra do 9 ao 11 de novembro. Durante os tres días da feira, visitantes e profesionais poderán gozar dunha programación completa de showcookings, presentacións de produtos e degustacións a cargo de recoñecidos produtores e chefs da provincia.

A cociñeira Concha Casares, de Casa Alongos (Melide), será unha das grandes protagonistas, cunha proposta culinaria que inclúe a tradicional carne ao caldeiro, elaborada con carne ecolóxica de vaca limiá, acompañada de patacas, crema de chícharos e pemento, así como a tosta de nabiza con queixo da D.O.P. Arzúa-Ulloa e chourizo de porco celta Celtagal. Estes pratos serán presentados en varias sesións de showcooking programadas ao longo da feira.

Programa de Actividades de 'A provincia que sabe':

Sábado 9 de novembro

• 11:00 h – Almorzo saudable con Cafés Aruba (A Coruña).
• 13:00 h – Showcooking de Concha Casares (Casa Alongos, Melide): Carne ao caldeiro e tosta de nabiza con queixo Arzúa-Ulloa e chourizo Celtagal.
• 14:00 h – Momento vermú con Vermú Lodeiros (Santiago de Compostela).
• 15:00 h – Showcooking de Concha Casares: Carne ao caldeiro e tosta de nabiza con queixo Arzúa-Ulloa e chourizo Celtagal.
• 18:00 h – Merenda especial con Casa da Avoa (Outes).

Domingo 10 de novembro

• 11:00 h – Almorzo saudable con Cafés Aruba (A Coruña).
• 12:00 h – Presentación e degustación de Pandejuevo (Cee).
• 13:00 h – Showcooking de Concha Casares: Carne ao caldeiro e tosta de nabiza con queixo Arzúa-Ulloa e chourizo Celtagal.
• 15:00 h – Showcooking de Concha Casares: Carne ao caldeiro e tosta de nabiza con queixo Arzúa-Ulloa e chourizo Celtagal.
• 16:00 h – Presentación do Proxecto Sementares, da Coruña, coas explicacións de Fernando Almeida.
• 16:30 h – Degustación de fabada galaica, con A Despensa D´Lujo (Coristanco).
• 17:00 h – Presentación e degustación das galletas artesanais de Martietas de Fío (Bergondo).
• 18:00 h – Merenda especial con Casa da Avoa (Outes).

Luns 11 de novembro

• De 11:00 a 13:00 h – Degustación de café con Cafés Lúa (Carballo).
• 11:30 h – Presentación e degustación “O sabor do Nadal nun café”, con blend especial de Nadal de Cafés Lúa (Carballo).
• 13:00 h – Showcooking de Concha Casares: Carne ao caldeiro e tosta de nabiza con queixo Arzúa-Ulloa e chourizo Celtagal.
• 15:00 h – Showcooking final de Concha Casares: Carne ao caldeiro e tosta de nabiza con queixo Arzúa-Ulloa e chourizo Celtagal.

O vicepresidente e responsable de Turismo, Xosé Regueira, destacou que "Etiqueta Negra é o escaparate perfecto para poñer en valor a excelencia e sostibilidade dos produtos da nosa provincia". O evento é tamén unha oportunidade para que produtores e cociñeiros establezan contactos, exploren novas liñas de negocio e compartan a súa aposta polo sabor auténtico e a materia prima de calidade da Coruña.