A parroquia de Torres en Vilarmaior celebra esta fin de semana as festas na honra da Virxe do Rosario
Esta fin de semana, a parroquia de Torres, en Vilamaior, festexa as súas tradicionais festas na honra da Virxe do Rosario. O venres 4 de outubro, dará comezo a celebración cunha gran verbena a partir das 23.00 horas, onde a orquestra Fania Blanco Show e o DJ Sebas21 amenizarán a noite.
O sábado 5 de outubro, o día arrincará coas tradicionais dianas e alboradas. Ás 13.00 horas celebrarase a misa solemne, seguida da sesión vermú, que estará a cargo do dúo Maracaibo. A xornada rematará cunha nova verbena ás 23.00 horas, na que actuarán o mesmo dúo Maracaibo e a orquestra Panamá.
Por último, o domingo 6 de outubro, a misa solemne das 13.00 horas marcará o comezo das celebracións do día, e o dúo D'Luxe será o encargado de poñer a música durante a sesión vermú, pechando así tres días de festa e tradición na parroquia de Torres.