A parroquia de Poulo en Ordes celebra a festa en honra a Nosa Señora da Merced do 22 ao 25 de setembro
A parroquia de Poulo, no municipio de Ordes, preparase para celebrar a tradicional festa en honra a Nosa Señora da Merced durante os días 22, 24 e 25 de setembro.
A programación festiva arrinca o domingo 22 de setembro cunha foliada con Camiño Real de Poulo e unha sesión vermú que contará con música tradicional. Esta xornada será a antesala das actividades principais que terán lugar durante os días seguintes.
O martes 24 de setembro comezarán as misas rezadas ás 09.00 horas, cunha misa solemne programada para as 13.00 horas. Despois dos actos relixiosos, o grupo Galia ofrecerá a súa actuación durante a sesión vermú, que tamén amenizará a verbena nocturna. Ás 19.00 horas, o grupo de baile Camiño Real do Poulo ofrecerá unha actuación especial, e ás 20.00 horas celebrarase outra misa rezada en honra á Santa. A verbena nocturna, que comezará ás 21.00 horas, contará coas actuacións de Galia e Olympus.
O mércores 25 de setembro, a celebración culminará cunha misa solemne ás 13.00 horas, seguida dunha sesión vermú animada por Zona Zero.
A festa en Poulo promete ser unha oportunidade para desfrutar de música, relixión e boas comidas, mantendo viva a tradición en honra a Nosa Señora da Merced.