A iniciativa ‘Cans e letras’ cumpre 4 anos nos centros públicos de Culleredo con máis de 100 alumnos
O programa 'Cans e letras' de READ España, financiado polo Ministerio de Cultura do Goberno de España e o Concello de Culleredo, cumpre 4 anos nos centros públicos Culleredo, curso no que tamén se desenvolveu coas persoas usuarias do Centro Ocupacional Municipal ‘A Escada’.
O alcalde, José Ramón Rioboo, e a primeira tenente de alcalde e concelleira de Educación, Cristina Pardo, visitaron este martes o CEIP Plurilingüe Vila de Rutis, un dos centros públicos onde se está desenvolvendo a actividade. Tamén participaron nesta edición o CEIP Isaac Díaz Pardo, CEIP Plurilingüe de Tarrío, CEIP Plurilingüe Ría do Burgo e o CEIP Plurilingüe Sofía Casanova. A última sesión será o 30 de maio. En total, participaron 114 escolares e 12 persoas usuarias de ‘A Escada’.
Alí puideron conversar con Laura González, a coordinadora do programa na provincia da Coruña; a directora do centro, Eladia Cabanas; Manuel Lage, orientador do Vila de Rutis e Barbara Bonachía, educadora canina. Acompañoulles Dana, a bóxer que forma o equipo do programa xunto á perrita Nala.
O obxectivo principal é axudar tanto a pequenas e pequenos escolares do municipio como a persoas con discapacidade intelectual a estimular as habilidades lectoras e melloras a nivel social.
Elíxense para isto cans de terapia porque son moi tranquilos, capaces de estar todo o tempo ao seu lado e pendentes de toda persoa que le xunto a eles e elas. Todos os animais deste programa pasan un exame cada dous anos para comprobar que a súa tolerancia a #o #estrés sexa alta e poder así continuar coa súa actividade. Tamén se valora positivamente o vínculo que lle une ao seu guía. A próxima semana terá lugar o acto de entrega de diplomas coas persoas usuarias do Centro Ocupacional Municipal ‘A Escada’.
O alcalde, José Ramón Rioboo, quixo agradecer “ao equipo que integra o programa a súa dedicación e empeño ao longo destes catro anos”, poñendo en valor “unha iniciativa que consideramos relevante non só porque supón un apoio a nivel de lecto escritura ao alumnado que participa nas sesións”, senón que tamén é “un estímulo para toda a comunidade educativa, tendo en conta que se reforza a educación en materia de benestar animal”.