Sociedade

Inchables, xogos, sorteos e moitas sorpresas agardan no pavillón municipal

O domingo 15 de decembro, de 17:00 a 20:00 horas, o pavillón municipal de Sada transformarase nun espazo cheo de maxia e diversión coa tradicional Festa de Nadal organizada pola ANPA “As Mariñas”. Este evento, pensado para que as familias desfruten xuntas, contará con inchables, pintacaras, xogos populares e moitas outras actividades.

Un dos momentos máis esperados será o gran sorteo de agasallos, para o cal cada entrada (1€) inclúe unha rifa. Ademais, haberá opción de adquirir rifas adicionais ao mesmo prezo para aumentar as posibilidades de gañar.

O Concello de Sada e os comercios locais colaboran activamente para facer deste evento un éxito, contando tamén cun equipo de voluntarios que o fai posible.