Educación

A Asociación de Mulleres Rurais Virxe do Rosario de Vilarmaior organiza esta formación con Estelita Fernández, os venres de 16.00 a 18.00 horas

A Asociación de Mulleres Rurais Virxe do Rosario de Vilarmaior organizará un curso de inglés desde novembro ata maio de 2027 na Escola de Grandal. A actividade está dirixida a persoas de todas as idades, tanto a aquelas que queiran iniciarse no idioma como ás que busquen practicalo.

As clases serán impartidas por Estelita Fernández e terán lugar os venres pola tarde, en horario de 16.00 a 18.00 horas. A proposta permitirá ás persoas participantes achegarse ao inglés nun contorno de aprendizaxe compartida, independentemente da súa idade.

Información e inscricións

As persoas interesadas en participar ou solicitar máis información poden contactar coa organización no teléfono 639 900 179.