A Deputación da Coruña lanza os bonos MercaNaVila con descontos de ata 100 euros para compras no pequeno comercio
A Deputación da Coruña puxo en marcha os bonos MercaNaVila, cos que a cidadanía pode obter ata 100 euros por persoa en descontos directos para mercar nos comercios dos concellos de menos de 20.000 habitantes da provincia. O presidente provincial, Valentín González Formoso, presentou a iniciativa en Noia e animou a descargar e usar os bonos “para aforrar nas compras e apoiar o comercio de proximidade”.
No ámbito da túa listaxe, están incluídos na campaña : Abegondo, Aranga, Bergondo, Betanzos, Carral, Coirós, Curtis, Miño, Ordes, Oza-Cesuras e Sada.
Segundo explicou Formoso, MercaNaVila conta con 6 millóns de euros e podería mobilizar ata 25 millóns en vendas. A excelente acollida leva a ampliar o prazo de inscrición de establecementos ata o 20 de novembro, data de fin de campaña; máis de 900 comercios xa se sumaron —82 en Noia—, co apoio das asociacións locais e da Federación Galega de Comercio.
O funcionamento é sinxelo: cada persoa maior de idade pode descargar bonos por ata 100 euros que se aplican automaticamente como desconto directo de 5, 10 ou 15 euros por compra, segundo o importe. Os bonos estarán activos do 20 de outubro ao 20 de novembro ou ata esgotar o orzamento. Os comercios interesados poden inscribirse na web. A Deputación subliña o impacto económico e social da medida para dinamizar o consumo, manter emprego e fortalecer as vilas.