A Coruña xa loce por toda a cidade as tradicionais figuras de cómic a tamaño real de Viñetas desde o Atlántico
As figuras de cómic a tamaño real que forman parte do festival Viñetas desde o Atlántico xa están expostas por toda a cidade. Desde esta mañá, as icónicas figuras de personaxes como Mortadelo e Filemón, Batman, Spider-Man, Joker, Tintín e moitos outros poden verse en lugares destacados de A Coruña, como os Xardíns de Méndez Núñez, a Praza de María Pita, o Obelisco e o Kiosco Alfonso.
Esta edición, a número 27 do Salón Internacional do Cómic da Coruña, trae novidades especiais. O martes, 13 de agosto, ás 13.00 horas, na Rúa da BD, será inaugurada unha nova figura: Gaspariño, de Xaquín Marín. Este personaxe presidirá as sesións do ‘Viñetas Late Night’ no Teatro Colón. É a primeira vez que un personaxe de cómic creado por un autor galego se incorpora á colección de figuras do festival. Ademais, neste 2024, tamén se recupera a figura de Groucho, de Ventura & Nieto, en homenaxe a Enrique Ventura, recentemente falecido e un dos clásicos da revista El Jueves.
Localizacións das figuras de cómic
A cidade presenta as seguintes figuras en locais emblemáticos:
Batman – Cantón Pequeno
Spider-Man – Obelisco
Mortadelo e Filemón – Zona Obelisco
Tintín – Palexco
Pitufina – Casa Museo Picasso
Carpanta – Kiosco Alfonso
Los Simpson – Fonte Kiosco Alfonso
Esther – Entrada do Kiosco Alfonso
Lucky Luke – Palco da Música dos Xardíns de Méndez Núñez
Blacksad – Rúa da BD (Xardíns de Méndez Núñez)
Roco Vargas – Rúa da BD (Xardíns de Méndez Núñez)
Súper López – Rúa da BD (Xardíns de Méndez Núñez)
Corto Maltés – Teatro Colón
Gaspariño – Teatro Colón
Corto Maltés II – Escenario Teatro Colón
Groucho – Escenario Teatro Colón
Torpedo – Rúa Durán Loriga
O Príncipe Valente – Praza de María Pita
Astérix e Obélix – Palacio Municipal (Praza de María Pita)
Capitán Trueno – Castelo de Santo Antón
Joker – Fórum Metropolitano
Hellboy – Hall Centro Ágora
Superman – Paso elevado de Alfonso Molina
Inauguración de Viñetas desde o Atlántico 2024
A inauguración oficial da 27ª edición do festival terá lugar o luns, 12 de agosto, ás 18.00 horas no Kiosco Alfonso. O acto contará coa presenza da alcaldesa de A Coruña, Inés Rey; o concelleiro de Cultura e Turismo, Gonzalo Castro; e o director do festival, Manel Cráneo, xunto aos autores convidados, artistas participantes, expositores e diferentes profesionais do sector da BD galega.
A partir das 18.00 horas, abrirán ao público a tradicional Rúa da BD e as distintas exposicións do festival. Ás 21.30 horas, a sección Viñetas Show dará comezo no Teatro Colón co concerto ilustrado de Sangre de Muérdago, Xulia Vicente e Sekone.