A Coruña acollerá o I Congreso Internacional de Maiores LGTBI+ cun enfoque no envellecemento inclusivo e a igualdade
A Fundación 26 de Decembro, entidade sen ánimo de lucro dedicada á atención das persoas maiores LGTBI+, organiza o I Congreso Internacional de Maiores LGTBI+, un evento que busca promover o intercambio de experiencias e propostas para combater a desigualdade e avanzar nos Obxectivos de Desenvolvemento Sostible das Nacións Unidas.
O congreso dará comezo en A Coruña o vindeiro 21 de setembro no Paraninfo da Universidade da Coruña (UDC), continuará o 28 de setembro en Sitges e culminará en Madrid os días 3 e 4 de outubro. Durante as xornadas, destacadas figuras como a investigadora Daniela Fernández e o artista Sergio Marey compartirán espazo con outros expertos para debater sobre o envellecemento saudable e sostible das persoas maiores LGTBI+.
O evento estrutúrase en tres eixes temáticos —Pasado, Presente e Futuro— que abordarán a experiencia de vida das persoas maiores do colectivo LGTBI+ e o seu papel na loita polos dereitos civís e o cambio social. Contará coa participación de axentes sociais, entidades e iniciativas investigadoras e artísticas.
Programa do 21 de setembro na Coruña:
10.00 a 10.30 horas: Saúdo Institucional (presentación da instalaicón artística da obra de Sergio Marey).
10.30 a 11.30 horas: Conferencia Plenaria con Daniela Fernández (Trasgalizas: disidencias de xénero na Galiza contmporánea).
11.30 a 12.00: descanso.
12.00 a 14.00 horas: Mesa de testemuños (relatos de vida, memorias e experiencia. Maiores LGTBI+ na Galiza).
14.00 a 16.00 horas: pausa comida.
16.00 horas a 17.00 horas: Comunicacións (David Gil Sequeiro e Racío López López).
17.00 horas a 18.00 horas: Mesa redonda con federico Armenteros, Paco Novo e Víctor Mora.
18.00 horas a 19.00 horas: cóctel de despedida.
En Madrid, os días 3 e 4 de outubro no Centro Cultural La Corrala, intervirán poñentes como a activista intersex Mani Mitchell, a avogada Nena Georgantzi, o investigador Eduard Fosch-Villaronga e o economista Juan José López-Ibor. Este congreso, subvencionado polo Ministerio de Dereitos Sociais, Consumo e Axenda 2030, subliña a necesidade de fortalecer redes de apoio e afectos no colectivo LGTBI+.