A Casa da Cultura de Vila Concepción en Cambre acollerá este sábado o I Torneo de Rápidas ‘Xadrez das Mariñas’
A Casa da Cultura de Vila Concepción en Cambre acollerá este sábado, 7 de setembro, o I Torneo de Rápidas ‘Xadrez das Mariñas’ 2024.
O torneo desenvolverase utilizando o sistema suízo a 5 rondas, cun ritmo de xogo de 10 minutos máis 3 segundos de incremento por xogada. A presentación do evento terá lugar ás 17.00 horas e a primeira ronda dará comezo ás 17.15 horas. A clausura está prevista aproximadamente para as 20.15 horas.
As parellas serán determinadas mediante un programa informático, non se admitirán reclamacións agás en caso de que se produza un erro na introdución de resultados antes do inicio da seguinte ronda.
Os desempates determinaranse ao finalizar o torneo mediante sorteo, tendo en conta os seguintes criterios: Encontro Directo, Bucholz corte-1, Bucholz Total, Progresivo e Media de Elo dos rivais menos 1 (ARO-C1).
Entregaranse trofeos aos tres primeiros clasificados na xeral, un trofeo ao mellor xogador sub-14 e medallas para os demais participantes.
A inscrición é completamente gratuíta e pode formalizarse a través do correo electrónico xdm@xadrecista.eu ou enviando un mensaje de WhatsApp ao número 652 696 531, indicando nome e apelidos.