A Aula CeMIT de Betanzos oferta novas actividades formativas para o mes de setembro
A Aula da Rede CeMIT do Concello de Betanzos organizará novas actividades formativas durante o mes de setembro, dirixidas á poboación en xeral. Esta iniciativa, enmarcada dentro da estratexia da Xunta de Galicia para promover a alfabetización dixital, ofrece aos veciños a oportunidade de mellorar as súas competencias tecnolóxicas.
Do 16 ao 25 de setembro, desenvolverase o obradoiro "Iniciación á Informática", que terá lugar en horario de 09.00 horas a 10.30 horas. Este curso está deseñado para introducir aos participantes nos conceptos básicos da informática, co obxectivo de facilitar o acceso ás tecnoloxías da información.
O 27 de setembro, tamén en horario de mañá, de 09.00 horas a 10.00 horas, realizarase o exame de teleformación EMA, dirixido a aquelas persoas que completaron o curso previo na plataforma EMA.
A Rede CeMIT da Xunta de Galicia constitúese como unha ferramenta clave para impulsar o desenvolvemento económico e empresarial a través da formación tecnolóxica, ofrecendo apoio ás persoas con maiores dificultades para integrarse na sociedade da información.
Para inscribirse ou obter máis información sobre estas actividades, os interesados poden dirixirse á Aula CeMIT de Betanzos, situada na rúa Emilio Romay n.º 1, visitar a seguinte páxina web, chamar ao teléfono 6186930052401, ou enviar un correo electrónico a cemit.betanzos@xunta.gal.
