A artista Paula Pier trae 'Eu, Fraude!' a Oleiros este sábado
O auditorio Gabriel García Márquez acollerá este sábado 23 de novembro, ás 20:30 horas, o concerto de Paula Pier, titulado Eu, Fraude!. Este espectáculo único combina cancións, poesía e elementos escénicos para ofrecer unha experiencia emocional e esperanzadora, centrada no amor propio e na liberación das máscaras impostas pola sociedade.
Eu, Fraude! preséntase como unha celebración da autenticidade e unha invitación a conectar con nós mesmas e coas demais persoas. Cunha duración de 70 minutos, o concerto inclúe composicións orixinais que destacan pola súa frescura e singularidade no panorama teatral galego.
A actuación está dirixida a público maior de 12 anos. As entradas, cun prezo de 4 euros, poden adquirirse en liña en www.giglon.com ata o mesmo sábado ás 19:00 h ou presencialmente na billeteira do auditorio desde unha hora antes do inicio.